Transcription
1
Monsieur de Roquaut advoyt mene ung gentilhome
2
de la court lequel voulent passer au Pouzin par eau,
3
il feut prins. Lon la mys à scent escus de ranson quil
4
voudrè luy envoyer par Bastien Colin, qui luy faict ce
5
plaisir dy aller pour le sortir de ce malheur. Il na
6
vouleu entreprandre ce faict sens quil vous plaize le
7
permetre. A ses fins il va vous trouver pour vous suplier,
8
monsieur, comme ausi feis je moy, davoir pityé de ce pavre
9
gentilhome qui est jeune et de bon lieu. Vous les obligés
10
tous à vous fère service, et moy tousiours daventage
11
affecionée à vous obeir, me recommendant humblement à votre
12
bonne grace, suplient Dieu vous donner, monsieur,
13
longue vye. De Tournon, ce XXIIIIe mars 1574
14
Votre humble et obeissante
15
Claude de Turenne